Дар 11 моҳ беш 81 ҳазор ҳодисаи беморӣ

Душанбе, 19 декабр. (АМИТ «Ховар», Лаззат Диловарзод).- Аз рӯи маълуоти Вазорати тандурустии ҶТ дар моҳҳои январ – ноябри соли 2011 ба 81 ҳазору 248 ҳодисаи бемориҳои сирояткунанда гирифтор шудани аҳолӣ ба қайд гирифта шудааст, ки нисбат ба ҳамин давраи соли 2010 баробари 0,9 фоиз камтар аст.Тибқи маълумоти манбаъ, ба ҳиссаи гепатитҳои шадиди гузаранда 8,4 фоизи бемориҳо дохил мешаванд. Дар соли ҷорӣ 79,9 фоизи шумораи умумии бемориҳоро беморони сирояткунандаи шадиди рӯда ташкил додаанд. Вазорати тандурустӣ ҳамчунин маълумот додаст, ки дар 11 моҳи соли ҷорӣ 62 ҳазору 471 нафар сокинони ҷумҳурӣ гирифтори бемории шадиди рӯда, аз ҷумла 1364 нафар гирифтори бемории исҳоли хунини бактериалӣ, 6 ҳазору 792 нафар гирифтори гепатити шадиди гузарандаи А, Б, С шудаанд.