Нерӯгоҳи нав дар Сиёҳгулак

Душанбе, 1 декабр. (АМИТ «Ховар», Фарҳоди Шомаҳмад).- Дар паёми имсолаи Президенти мамлакат ба Маҷлиси Олии Ҷумҳурии Тоҷикистон ба тамоми паҳлӯҳои ҳаёти ҷомеа, аз ҷумла соҳаҳои энергетика ва саноат, таъмини истиқлолияти энергетикӣ, ташкили маҷмааҳои саноатӣ ва сӯзишворӣ, ҳамчунин таъмин намудани ноҳияҳои дурдасти кӯҳистон бо нерӯи барқ ва ба кор андохтани нерӯгоҳҳои барқии обии хурду бузург таваҷҷӯҳи хосса зоҳир гардид. Бо ин мақсад дар навоҳии кӯҳистони мамлакат бунёди нерӯгоҳҳои хурд идома дорад. Дар ноҳияи Нуробод боз як нерӯгоҳи хурд ба фаъолият шурӯъ намуд/ Ғаюр Ашӯров, сокини ҷамоати Ҳакимӣ зимни сӯҳбат ба хабарнигори АМИТ «Ховар» иброз намуд, ки нерӯгоҳи хурде, ки дар ин минтақа ба кор оғоз намудааст. сохтмони он аз соли 2009 шурӯъ шуда буд ва имрӯз 40- хоҷагии деҳаи Сияҳгулакро бо нерӯи барқ таъмин мекунад.