Хобгоҳи нави донишҷӯён

Рашт, 24 январ. (АМИТ «Ховар», М. Ризвонов). – Омӯзишгоҳи тиббии ноҳияи Рашт, ки аз рӯзи бунёдаш хобгоҳ надошт, бо дастгирии мақомоти иҷроияи ҳокимияти давлатии ноҳия соҳиби хобгоҳи наву замонавӣ гашт. Хобгоҳ барои 110 нафар донишҷӯ пешбинӣ шуда, шароити хуби буду бош ва маданию маиширо дорад.Дар маросими ботантанаи супоридани ин бино раиси ноҳия С.Абдураҳмонов ширкат варзида, зимни мулоқоташ бо донишҷӯён гуфт, ки бо дастгирии бевоситаи Президенти мамлакат Эмомалӣ Раҳмон соли 2011 дар ноҳияи Рашт даҳҳо иншоотҳои муҳим сохта ва ба истифода дода шуданд, ки аз ғамхориҳои пайвастаи роҳбари давлатамон дар ҳаққи мардуми ноҳия шаҳодат медиҳад.