Баррасии ҳамкориҳо бо намояндагони ширкати покистонӣ

Душанбе, 11 май. (АМИТ «Ховар», Покиза Маҳмадбекова). — Имрӯз дар Душанбе вохӯрии вазири рушди иқтисод ва савдои ҷумҳурӣ Шариф Раҳимзода бо Директори идоракунандаи ширкати LAFARGE PAKISTAN CEMENT INDUSTRY Раҳмат Хон ва намояндагони масъули ширкати мазкур доир гардид. Ба мухбири АМИТ «Ховар» аз хадамоти матбуоти Вазорати рушди иқтисод ва савдо иттилоъ доданд, ки дар рафти вохӯрӣ ҷонибҳо аз шароити мусоиди сармоягузорӣ, дастгириҳои пайвастаи Ҳукумати мамлакат ҷиҳати рушди бахши хусусӣ ва бунёди корхонаҳои муштараки саноатӣ изҳори хушнудӣ намуданд. Дар интиҳои чорабинӣ масъалаҳои дигари мавриди таваҷҷӯҳи тарафайн баррасӣ гардиданд.