Афзоиши ҳаҷми маҳсулоти кишоварзӣ

Душанбе, 3 июл. (АМИТ «Ховар», Лаззат Диловарзод).- Бино ба маълумоти Раёсати кишоварзии вилояти Хатлон, дар 5 моҳи соли ҷорӣ ҳаҷми умумии истеҳсоли маҳсулоти кишоварзӣ дар хоҷагиҳои деҳқонӣ (фермерӣ)-и вилоят 914,8 млн. сомониро ташкил дод.Боис ба ёдоварист,ки соли 2011 дар натиҷаи андешидани чораҳои саривақтии самарабахш ҳаҷми умумии маҳсулоти кишоварзӣ дар ин минтақаи калонтарини ҷумҳурӣ ба 7,2 млрд. сомонӣ расонида шуд, ки нисбат ба соли 2010 ба миқдори 534 млн. ва назар ба соли 2000-ум 6,5 млрд. сомонӣ зиёд аст.Тибқи маълумоти омори вилояти Хатлон, дар 5 моҳи соли ҷорӣ 5 ҳазору 58 тонна маҳсулоти кишоварзӣ ба хориҷи кишвар содир шудааст. Дар давоми моҳҳои январ-майи соли 2012 дар ин вилоят ҳамчунин 193 ҳазор тонна гӯшт, 783 ҳазор тонна шир ва 20 млн. дона тухм истеҳсол шудааст, ки нисбат ба ҳамин давраи соли 2011 ба андозаи 9 фоиз зиёд аст. Дар ин давра шумораи оилаи занбӯри асал ба 42 ҳазору 200 ва истеҳсоли моҳӣ ба 153,8 тонна расонида шудааст, ки он самараи истиқлолияти кишвар дар 20 соли гузашта аст.