Активҳои Амонатбонк афзуданд

Душанбе, 13 июл. (АМИТ «Ховар», Покиза Маҳмадбекова). – «Активҳои Бонки давлатии амонатгузории (БДА) «Амонатбонк» то имрӯз ба як миллиарду 171 миллион сомони расидаанд, ки дар муқоиса ба ҳамин давраи соли гузашта 53,2% зиёд мебошанд», — иброз намуд нишасти матбуоти Раиси БДА «Амонатбонк» Гулнора Хасанова, 12 июл. Аз рӯи иттилоъи Ӯ, сармояи «Амонатбонк» дар ин муддат ба маблағи 148,5 млн. сомонӣ расид, ки ин нисбат ба ҳамин давраи соли гузашта 16,3% зиёд аст. Аз рӯи натиҷаи ҷамъбасти нимсолаи авали соли равон даромад то андозбандии ба маблағи 13,2 млн. сомони ва баъди андозбандӣ 9,9 млн. сомониро ташкил, ки нисбат ба ҳамин давраи соли гузашта 3,6 маротиба зиёд аст. «Дар шаш моҳи соли равон гардиши умумии ҳисобаробаркуниҳо бо асъори миллӣ да ҳудуди ҷумҳурӣ 28,7 млрд. сомониро ташкил дод, ки ин нисбат ба ҳамин давраи соли гузашта ба андозаи 3,2 маротиба зиёд аст», — афзуд Сарвари бонк. – Бо мақсади таъмини шаффофият, назорати доимӣ ва саривақт дастрас намудани ҳисоботу маълумотҳо 97% — и филиалҳои бонк ба тавозуни ягона васл карда шудаанд. Инчунин дар ин давра 21 маркази хизматрасонии шаҳри Душанбе ба шабакаи ягонаи умумибонкӣ шомил гардонида шуд.