Хайрияи ҳайати дипломатии Душанбе ба нобиноёни Ҳисор
Душанбе, 6 июл. (АМИТ «Ховар», Покиза Маҳмадбекова). — Дар мактаб-интернати кӯдакони нобино ва сустбини ноҳияи Ҳисор 5 июли соли равон чорабинии хайриявӣ бо иштироки сафирони кишварҳои хориҷӣ дар Тоҷикистон барпо гардид. Боиси ёдоварист, ки 6 майи соли 2012 дар меҳмонхонаи «Hyatt Regency»-и Душанбе аз ҷониби Анҷумани Сафирони Душанбе Фестивали байналмилалии хайриявии озуқаворӣ ташкил карда шуда буд. Зимни он аъзоёни намояндагиҳои дипломатӣ ва ташкилотҳои байналхалқии муқими шаҳри Душанбе, инчунин кормандони Вазорати корҳои хориҷии Ҷумҳурии Тоҷикистон анвои гуногуни хӯрокаи миллии худро ба фурӯш гузоштанд. Шумораи зиёди шаҳрвандони Тоҷикистон ва хориҷиён дар ин чорабинӣ ширкат варзида, аз хӯроки миллии тоҷикӣ ва таоми кишварҳои хориҷӣ харидорӣ намуда буданд. Аз рӯи иттилои Вазорати корҳои хориҷии Ҷумҳурии Тоҷикистон бо ташаббуси Анҷумани Сафирони Душанбе ва дастгирии Бунёди хайриявӣ ва Вазорати корҳои хориҷии Тоҷикистон аз ҳисоби маблағи дар рафти фестивали мазкур дастрасшуда ба мактаб-интернати кӯдакони нобино ва сустбини ноҳияи Ҳисор аз рӯи талаботи онҳо варақаҳои махсус барои чопи китоб барои кӯдакони нобино, дафтарҳо, китобҳо, маводҳои канселярӣ, кондитсионер ва дигар маводи лозима хайрия карда шуданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
