Истироҳати хотирмон дар «Ширкент»

Турсунзода, 19 июл. (АМИТ «Ховар», Ҳотам Рабиев).- Дирӯз даври саввуми истироҳати зиёда аз 400 нафар фарзандони коргарони корхонаи воҳиди давлатии «Ширкати алюминийи Тоҷик» ва наврасони хонаи кӯдакони шаҳр дар осоишгоҳи «Ширкент» оғоз ёфт. Барои наврасон дар ин осоишгоҳ тамоми шароитҳо муҳайё буда, онҳо бо 5 вақт хӯроки гарм таъминанд. Ҳамчунин дар ин ҷо кино, консерт, шабҳои саволу ҷавоб, озмунҳо, вохӯриҳои шавқовар баргузор мегарданд. Ба кӯдакону наврасон аз ҳисоби муаллимони варзидаи шӯъбаи маориф мураббиҳо сарварӣ мекунанд.Дар назар аст, ки дар таътили имсола зиёда аз 1600 нафар фарзандони коргарони корхонаи мазкур истироҳати хушу хотирмон гузаронанд.