Дорандагони кортҳои пластикӣ меафзоянд

Душанбе, 13 август. (АМИТ «Ховар», Фирӯза Давлатова ). – Тибқи иттилои Бонки миллии Тоҷикистон дар қаламрави кишвар шумораи истифодабарандагони кортҳои пластикӣ афзудааст. Дар вилояти Суғд нисбат ба соли гузашта шумораи дорандагони кортҳои пластикӣ 2,6 маротиба афзуд. Дар ҳоли ҳозир дар қаламрави ин вилоят 128 ҳазору 700 нафар дорои кортҳои пластикианд. Мавриди зикр аст, ки дар ҳамин давраи соли гузашта ин нишондиҳанда ба 45 ҳазор нафар баробар буд.