Ҷустуҷӯи манбаъҳои радиоактивӣ ва безараргардонии онҳо

Душанбе, 3 сентябр. (АМИТ «Ховар», Фирӯза Давлатова). – 16- 20- уми сентябр дар меҳмонхонаи Меркурий, воқеъ дар кӯчаи Толстой 9 семинари минтақавии Афғонистону Тоҷикистон дар мавзӯи «Ҷустуҷӯи манбаъҳои радиоактивӣ ва безараргардонии онҳо» баргузор мегардад. Мақсад аз семинар густариши ҳамкориҳои ду кишвар ва татбиқи ҷустуҷӯи радиоактивӣ ва тарзи безараргардонии онҳо мебошад. Тавре ки аз Агентии амнияти ядроӣ ва радиоактивӣ итттилоъ доданд, семинар бо ҳамоҳангсозии Иёлоти Муттаҳидаи Амрико байни Тоҷикистону Афғонистон доир мегардад. Бояд ёдовар шуд, ки семинар бо ибтикори Агентии амнияти ядроӣ ва радиатсионии Академияи илмҳои Ҷумҳурии Тоҷикистон барпо мешавад.