Тоҷикистон раиси ТРАСЕКА мешавад
Душанбе, 17 сентябр. (АМИТ «Ховар», Дилшодаи Хайруллоҳ)- Дар мулоқоти Президенти Ҷумҳурии Тоҷикистон Эмомалӣ Раҳмон бо Дабири кулли Иттиҳоди байналмилалии нақлиёти автомобилӣ Мартин Мармӣ ва Дабири кулли Котиботи доимии Комиссияи байниҳукуматии ТРАСЕКА Эдуард Бирюков масоили ҳамкориҳои Тоҷикистон бо ин созмони байналмилалӣ ва барномаи ТРАСКА доир ба бунёди долони нақлиётии Аврупо-Қавқоз-Осиё баррасӣ шуд. Дабири кулли Котиботи доимии Комиссияи байниҳукуматии ТРАСЕКА Эдуард Бирюков дар ҷамъи хабарнигорон гуфт:«Мо дар якҷоягӣ бо Иттиҳоди байналмилалии нақлиёти автомобилӣ ба Президенти Ҷумҳурии Тоҷикистон пешниҳод намудем: азбаски Тоҷикистон дар соли 2013 раёсати ТРАСЕКА-ро ба ӯҳда хоҳад дошт, дар доираи он конфронси байналмилалии сатҳи баланд оид ба рушди нақлиёти автомобилӣ ва имкониятҳои транзитии Осиёи Марказӣ барои давраи то соли 2020-ро низ баргузор намоем».Эдуард Бирюков ба фаъолияти босамари соҳаҳои нақлиётии Тоҷикистон баҳои баланд дода, бунёди роҳу нақбҳоро василаи асосии баромадан аз бунбасти коммуникатсионӣ арзёбӣ намуд. Номбурда изҳори итминон кард, ки дар оянда низ ҳамкории Комиссияи байниҳукуматии ТРАСЕКА ва Иттиҳоди байналмилалии нақлиёти автомобилӣ бо Тоҷикистон рушду густариш хоҳад ёфт.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
