Ҷаласаи навбатии Шӯрои кор бо ҷавонони давлатҳои аъзои ИДМ

Душанбе, 16 октябр. (АМИТ «Ховар», Дилшодаи Хайруллоҳ)- Тибқи нақшаи кори Шӯрои кор бо ҷавонони давлатҳои аъзои ИДМ 19-20 октябри соли равон дар кишвари Озарбойҷон ҷаласаи навбатии Шӯрои кор бо ҷавонони давлатҳои аъзои ИДМ доир мегардад. Дар соли 2011-1012 раисии Шӯроро ҷониби Тоҷикистон бар уҳда дошт ва ин масъулият соли 2013 бар дӯши Озарбойҷон вогузошта хоҳад шуд. Дар ҷаласа масоили татбиқи сиёсати давлатии ҷавонон дар Озарбойҷон, ташаккули парламентаризм дар кишварҳои узви ИДМ, дар бораи таъсиси Шӯрои олимони ҷавони мамолики узви ИДМ дар назди Шӯрои кор бо ҷавонони кишварҳои узви ИДМ, дар бораи нақшаи чорабиниҳои татбиқи «Стратегияи ҳамкориҳои байналмилалии ҷавонони кишварҳои узви ИДМ барои солҳои 2012-2013», таҳияи лоиҳаи нақшаи чорабиниҳои Стратегияи мазкур барои солҳои 201-2015, дар бораи ширкати ҷавонони ИДМ дар Лоиҳаи иттилоотию маърифатии «Қатораи дӯстӣ», дар бораи баргузории конфронси байналмилалии ташкилотҳои ҷавонон оид ба табодули таҷриба дар самти пешгирии ВИЧ-миёни ҷавонони донишҷӯ, дар бораи натиҷаҳои кори Форуми VII илмию эҷодии Ашқобод, интихоби раёсати шӯро дар соли 2013 мавриди баррасӣ қарор хоҳад гирифт.Ёдовар мешавем, ки раисии Шӯроро тайи ду соли охир раиси Кумитаи ҷавонон, варзиш ва сайёҳӣ Маликшо Неъматов бар уҳда дошт Тоҷикистон, Озарбойҷон, Беларус, Қирғизистон, Қазоқистон, Русия мамоликеанд, ки ба Шӯрои кор бо ҷавонони кишварҳои узви ИДМ шомиланд. Дар ин бора ба мухбири АМИТ «Ховар» аз бахши таҳлилу иттилоотии Кумитаи ҷавонон, варзиш ва сайёҳӣ иттилоъ доданд.