Баррасии масоили асосноккунии техникию иқтисодии роҳҳо

Душанбе, 8 октябр. (АМИТ «Ховар», Покиза Маҳмадбекова). — Имрӯз дар Вазорати рушди иқтисод ва савдо вохӯрии муовини вазир Умед Давлатзод бо ҳайати намояндагони филиали ширкати роҳи оҳани «Утсзюй»-и Ҷумҳурии Мардумии Чин дар Ҷумҳурии Тоҷикистон баргузор гардид.  Ба мухбири АМИТ «Ховар» аз хадамоти матбуоти вазорати мазкур иттилоъ доданд, ки дар ҷараёни вохӯрӣ масъалаҳои асосноккунии техникию иқтисодии роҳҳои дохилии шаҳрҳои Қӯрғонтеппаю Кӯлоб, ки дар оянда бояд таъмиру таҷдид шаванд, мавриди муҳокима қарор гирифт. Ҷонибҳо ба тавофуқ расиданд, ки мутахассисони хитоӣ дар муддати сафарашон корҳои омӯзишии роҳҳои дохилиро дар шаҳрҳои мазкур ба анҷом расонанд ва пас аз пешниҳоди асосноккунии техникию иқтисодии он ҷиҳати идомаи корҳо дар ин самт иқдом хоҳад шуд.