Беш аз 5 ҳазор нафар бо кор таъмин шуд

Душанбе, 12 октябр. (АМИТ «Ховар», Лаззат Диловарзод).- Дар аввали моҳи августи соли 2012 беш аз 76 ҳазор нафар шаҳрванди корталаб дар Хадамоти шуғли аҳолӣ ба қайд гирифта шуда буд, ки нисбат ба соли гузашта 3,7 фоиз ва нисбат ба моҳи июли соли 2012 ба андозаи 0,6 фоиз зиёд аст,- иброз доштанд дар хадамоти мазкур ба мухбири АМИТ «Ховар». Танҳо дар моҳи июли соли ҷорӣ 4,2 ҳазор корталаб дар Хадамоти шуғли аҳолӣ ба қайд гирифта шудааст. Аз шумораи умумии корҷӯён 2,4 ҳазор нафар бо кор таъмин шудааст, ки нисбат ба ҳамин давраи соли2011 14,2 фоиз кам аст.Дар Агентии омори назди Президенти ҷумҳурӣ шумораи шаҳрвандони қобили меҳнати корталабро дар охири моҳи декабри соли 2011 73 ҳазору 768 нафар хонданд, ки 38 ҳазору 481 нафарашонро занон ташкил медоданд.Бояд ёдоваршуд, ки дар соли 2011 беш аз 32 ҳазору 400 нафар шаҳрванди дар қайди Хадамоти шуғли аҳолибуда бо ҷойи кори доимӣ таъмин гардиданд.Дар охири моҳи июли соли ҷорӣ шумораи шаҳрвандони қобили меҳнат 76 ҳазору 702 нафарро ташкил дод, ки 40 ҳазору 632 нафари он занон мебошанд. Дар худи ҳамин моҳ шумораи шаҳрвандони корҷӯйе, ки дар қайди Хадамоти шуғли аҳолианд, 4 ҳазору 160 нафарро ташкил дод, ки 2 ҳазору 355 нафари он соҳиби ҷойи кори доимӣ гардид. Дар ин давра корхонаҳо барои 12 ҳазор ҷойи холии кор ба Хадамоти шуғли аҳолӣ дархост додаанд, аммо танҳо 5 ҳазору 606 нафарро бо ихтисоси коргар ба кор гирифтанд. Дар охири моҳи июл ба як ҷойи холии арзшуда 6,3 нафар корталаб рост омадааст.