Муҳокимаи ҳамкории иқтисодии Тоҷикистону Австрия

Душанбе, 2 октябр. (АМИТ «Ховар»). – Ҳайати Ҷумҳурии Тоҷикистон бо роҳбарии муовини вазири рушди иқтисод ва савдо С.Назриев дар ҷаласаи чоруми Комиссияи муштараки Тоҷикистону Австрия оид ба ҳамкории иқтисодӣ иштирок намуд. Тавре ки аз Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, ба ҳайати Тоҷикистон кормандони вазоратҳои кишоварзӣ, энергетика ва саноат, тандурустӣ ва адлия низ шомиланд.Рӯзномаи ҷаласа иборат аз масъалаҳои ҳамкорӣ дар бахши энергетика ва саноат, кишоварзӣ, тандурустӣ, сайёҳӣ, стандартизатсия, бехатарии ҳуҷҷатҳо ва ҳукумати электронӣ, ҳамчунин масъалаҳои муносибатҳои миёни Тоҷикистон ва Иттиҳоди Аврупо буданд. Дар ҷараёни ҷаласа роҳбарон ва аъзои ҳайатҳо аз рӯи масоили зикршуда табодули афкор намуданд.Аз рӯи натиҷаи ҷаласаи чоруми Комиссияи муштараки Тоҷикистон ва Австрия оид ба ҳамкории иқтисодӣ протоколи дахлдор имзо шуд.