Муҳокимаи тартиби хариди давлатии амвол

Душанбе, 9 октябр. (АМИТ «Ховар», Покиза Маҳмадбекова). – Мавзӯи асосии семинари муштарак аз рӯи масъалаи хариди давлатии амвол, ки бо ибтикори Агентии хариди амволи Ҷумҳурии Тоҷикистон ва Бонки ҷаҳонӣ 8 сентябр дар шаҳри Душанбе баргузор гардид, иборат аз масъалаи таъмини хариди амволи давлатӣ ва хидматрасонӣ бо усули раванди судманду шаффоф буд.Тавре ки аз намояндагии Бонки ҷаҳонӣ дар Тоҷикистон ба АМИТ «Ховар» хабар доданд, ин чорабинӣ бо иштироки коршиносони Бонки аврупоии бозсозӣ ва тавсеъа, комиссияи Созмони Милали Муттаҳид оид ба ҳуқуқи байналмилалии савдо, ҳамчунин намояндагони расмии сохторҳои давлатӣ ва созмонҳои мададгор роҳандозӣ шуд.Иштирокдорони семинар масоили муҳимтарин ва имконияти марбут ба ташкили беҳдошти раванди хариди амволи давлатиро, ки дар хулосаи Бонки ҷаҳонӣ зикр ёфтааст, мавриди баррасӣ қарор доданд.