Мусодираи 85 килограм ҳашиш

Душанбе, 11 октябр. (АМИТ «Ховар», Лутфия Эшонқулова). – Кормандони Агентии назорати маводи мухаддири назди Президенти Ҷумҳурии Тоҷикистон дар ҷараёни амалиёти махсус дар ҳудуди ноҳияи Қумсангири вилояти Хатлон 85 килограмм маводи мухаддирро мусодира намуданд. Назар ба хабари маркази матбуоти Агентии назорати маводи мухаддир, маводи зикршударо аз Афғонистон тавассути қаламрави Ҷумҳурии Тоҷикистон ба кишварҳои Иттиҳоди Давлатҳои Мустақил бурданӣ буданд.Мувофиқи суханони манбаъ шаҳрванди 52 – солаи Тоҷикистон, ки ба қочоқи маводи мухаддир гумонбар шуда буд, дастгир шуда, аз мошини ӯ 85 килограмм ҳашиш пайдо гардид. Аз рӯи ин қазия парвандаи ҷиноӣ кушода шудааст.