Сабабҳои номутаносибии истеҳсолот

Душанбе, 18 октябр. (АМИТ «Ховар» Лаззат Диловарзод).- Дар моҳҳои январ-сентябри соли 2012 корхонаҳои саноатӣ ба маблағи 6 млрд. 774 млн.сомонӣ маҳсулот истеҳсол намуданд, ки нисбат ба ҳамин давраи соли 2011 ба андозаи 10,4 фоиз зиёд аст.Дар Вазорати энергетика ва саноат сабаби афзоиши истеҳсоли маҳсулоти саноатиро шарҳ дода, иброз доштанд, ки зиёдшавии истеҳсоли маҳсулот асосан аз ҳисоби ШСК «Барқи тоҷик», истихроҷи газ ва нафт, саноати ангишт ва намудҳои алтернативии энергия, саноати маъдан ва филизоти қиматбаҳо, мошинсозӣ, мудофиа ва саноати кимиё, саноати сабук, саноати масолеҳи бинокорӣ, корхонаҳои воҳиди давлатии «Хӯрокворӣ», «Ғалла», «Гӯшту шир» ба миён омадааст.Аммо ба иттилои манбаъ, суръати афзоиши ҳаҷми маҳсулоти саноатӣ нисбат ба моҳҳои январ-сентябри соли 2012 ба андозаи 1,3 фоиз коҳиш ёфтааст. Суръати коҳиши маҳсулот асосан аз ҳисоби фаъолияти сусти корхонаҳои пахтатозакунӣ ба андозаи 70,5 фоиз, корхонаҳои дар ихтиёри вазорату идораҳои ҷумҳурӣ набуда ба миқдори 0,2 фоиз ва ба андозаи 13,4 фоиз коҳиш ёфтани маҳсулоти корхонаҳои «Тоҷикматлубот» ва корхонаҳои бахши ғайридавлатӣ дар ҳаҷми 2,8 фоиз ба вуҷуд омадааст.