Тоҷикистон ва Протоколи Истанбул
Душанбе, 30 октябр. (АМИТ «Ховар», Музаффар Рустамов). -30 октябри соли 2012 Институти «Ҷамъияти Кушода» — Бунёди Мадад дар Тоҷикистон, Созмони амнияту ҳамкорӣ дар Аврупо ва Дафтари Комиссариати олии ҳуқуқи инсон барои баррасии татбиқи меъёрҳои Протоколи Истанбул дар Маркази тадқиқоти стратегӣ мизи гирд доир менамоянд. Ҳадаф аз мизи гирд таҳияи тавсия ва нақшаи фаъолият барои тафтиши самаранок ва санадсозии далелҳои истифодаи шиканҷа дар чорчӯбаи татбиқи «Барномаи ислоҳоти судиву ҳуқуқӣ барои солҳои 2011-2013» ва тавсияҳои Шӯрои СММ оид ба ҳуқуқи инсон дар чорчӯбаи баррасии «Нигориши универсалии давравӣ» мебошад. Дар мизи гирд кормандони Додситонии кулл, Сарраёсати иҷрои ҷазоҳои ҷиноятии Вазорати адлия, Маркази ҷумҳуриявии ташхиси судию тиббии Вазорати тандурустӣ, судяҳо, адвокатҳо, намояндаҳои созмонҳои байналхалқӣ ва сафоратхонаҳо иштирок мекунанд. Кормандони Созмони «Табибон барои ҳуқуқи инсон», ки яке аз муаллифону таҳиягарони Протоколи Истанбул мебошанд, дар омӯзиши мазкур вазифаи коршиносонро ба дӯш доранд. Чунин омӯзишҳо қаблан дар Қирғизистон, Қазоқистон ва дар дигар кишварҳои ҷаҳон, ки меъёрҳои Протоколи Истанбул ба қонунашон ворид гардида, дар амал истифода мешаванд, гузаронида шуда буданд.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
