«Истиқлол» — сазовори медалҳои биринҷӣ

Душанбе, 26 ноябр. (АМИТ «Ховар»). – Рӯзи якшанбеи 25 ноябр ҷоизи медалҳои биринҷии мусобиқоти Тоҷикистон оид ба футбол байни дастаҳои лигаи олӣ маълум гардид. Футболбозони дастаи «Истиқлол» — и шаҳри Душанбе, ки дар даври 23 – юми мусобиқот бо ҳисоби 5:0 бар дастаи «Энергетик» ғолиб омаданд, соҳиби медалҳои биринҷӣ шуданд. 29 ноябр дастаҳои «Истиқлол» ва «Равшан» бо ҳам вомехӯранд. Дар сурати ғолиб омадани футболбозони шаҳри Кӯлоб, онҳо бори нахуст дар таърихи футболи Тоҷикистон сазовори медалҳои тилло мешаванд. Дар мавриди бо мусовӣ анҷом ёфтани ин вохӯрӣ ё мағлуб шудани дастаи «Равшан», дастаи «Регар – ТадАЗ» шаҳри Турсунзода қаҳрамони кишвар аз рӯи футбол мегардад.Дар ин бора аз Федератсияи футболи Тоҷикистон ба АМИТ «Ховар» хабар доданд.