Корҳои илмию селексионӣ дар соҳаи човодорӣ

Душанбе, 22 ноябр.(АМИТ «Ховар», Лаззат Диловарзод).- Дар натиҷаи корҳои илмию селексионӣ аз 488 сар насли сермаҳсули дурага дар хоҷагии зотпарварии ба номи Сафарови ноҳияи Балҷувон 124 сар зебуи қазоқӣ, 146 сар зебуи қалмиқӣ, 119 сар зебуи абердинӣ ва аз насли дурагаи маҳаллӣ 98 сар зебуи тоҷикӣ ба даст оварда шудааст,-иттилло доданд аз Пажуҳишгоҳи чорводорӣ ба мухбири АМИТ «Ховар».  Тавассути корҳои селексионӣ муайян гардид, ки маҳсулнокии насли дурага нисбат ба ҷинси модариашон 26 фоиз зиёд аст. Аз ин рӯ, олимони селексионер аз ҳисоби ҷинси нави дурага озмоишгоҳи говҳои сергӯштро таъсис доданд. Олимони пажуҳишгоҳ ҳамчунин аз 637 сар қутосҳои зотии таҳти назоратдошта 131 сар насли аз ҷиҳати ирсӣ беҳтарро ба даст оварданд.Дар гурӯҳҳои селексионии говҳои зоти сиёҳало, ки насли аз онҳо гирифташуда дурагаи зоти голштинӣ мебошанд, дар 305 рӯз ҳар яки он беш аз 5 ҳазору 600 кг шир дӯшида шуд, ки нисбат ба зоти модариашон 250-300 кг шир зиёд аст.Самараи фаъолияти олимони Пажуҳишгоҳи чорводорӣ сол то сол беҳтар гардида, миёни дигар пажуҳишгарони соҳаи чорводории ИДМ ба дастовардҳои беҳтар ноил гардидаанд.