Мусодираи беш аз 5 кило ҳашиш

Душанбе, 8 ноябр. (АМИТ «Ховар», Фарзона Достонзода).- 6 ноябри соли ҷорӣ аз ҷониби кормандони мақомоти корҳои дохилӣ дар шаҳри Хуҷанд шаҳрванд Шоҳмаҳмад Дилшодови 47-сола, сокини ноҳияи Масчоҳ ҳамчун гумонбар дар ғайриқонунӣ нигоҳ дошани маводи нашъадор дастгир карда шуд. Тавре ки сомонаи расмии ВКД ҶТ хабар медиҳад, ҳангоми кофтукови шахсӣ аз борхалтаи Ш. Дилшодов 5 килою 426 грамм маводи нашъадори навъи ҳашиш дарёфт ва мусодира шуд. Аз рӯи ин ҳодиса мутобиқи моддаи 200 қисми 4 парвандаи ҷиноӣ оғоз шуда, тафтиш идома дорад.