Дар Душанбе намоишгоҳи ҶИА доир мешавад
Душанбе, 3 декабр. (АМИТ «Ховар», Покиза Маҳмадбекова). – Чанде пеш раиси Палатаи савдо ва саноати ҶТ Шариф Саид ва намояндаи тиҷоратии Сафорати Афғонистон дар Тоҷикистон Амирҳамза Саҳроӣ дурнамои ҳамкории минбаъдаи мутақобилан муфиди тиҷоратию иқтисодӣ ва моҳҳои апрел ва майи соли 2013 дар шаҳри Душанбе доир намудани намоишгоҳ – ярмаркаи навбатии Ҷумҳурии Исломии Афғонистонро мавриди муҳокима қарор доданд.Мусоҳибон зимни мулоқот зикр намуданд, ки намоишгоҳҳо ва ҳамоишҳои тоҷирони Афғонистону Тоҷикистон ба рушду густариши равобити дуҷонибаи тиҷоратию иқтисодӣ бо иштироки соҳибкорони шаҳри Кобул, вилоятҳои Мазори Шариф, Ҳирот, Балх, Қундуз, Қандаҳор, Ҷалолобод, Бомиён ва ғайра мусоидат карданд.Шариф Саид зикр намуд, ки ҳаҷми содироти амвол байни ҳар ду кишвар тадриҷан афзун мегардад. Ташкили намоишгоҳу ярмаркаҳои Афғонистон дар шаҳри Душанбе, ҳамчунин ҳамоишҳои тоҷирони ҳар ду кишвар аз ин шаҳодат медиҳад. Амирҳамза Саҳроӣ дар навбати худ иброз дошт, ки пешниҳоди роҳбарияти Палатаи савдо ва саноати ҶТ ҷиҳати баррасӣ ба маълумоти сохторҳои дахлдори Афғонистон расонида мешавад. Мавсуф қайд намуд, ки ширкатҳои Афғонистон ҷонибдори вусъат бахшидани фаъолияти соҳибкорӣ бо Тоҷикистон мебошанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
