Душанбе мизбони ҳамоиши байналмилалӣ
Душанбе, 17 декабр.(АМИТ «Ховар», Марзия Саидова).-Моҳи августи соли 2013 дар шаҳри Душанбе ба муносибати Соли байналмилалии ҳамкорӣ дар соҳаи об конфронси байналмилалӣ гузаронида мешавад. Интизор меравад, ки дар ин ҳамоиш намояндагони кишварҳои гуногун, созмонҳои байналмилалию минтақавӣ ва коршиносон иштирок намуда, масъалаҳои марбут ба тақвияти ҳамкориро дар бахши об матраҳ хоҳанд сохт.Аз вазорати мелиоратсия ва захираҳои оби ҷумҳурӣ ба АМИТ «Ховар» итттилоъ доданд, ки дар доираи Соли байналмилалии ҳамкорӣ дар соҳаи об ва ҷиҳати ноил гардидан ба ҳадафҳои он бо ибтикори Ҳукумати Ҷумҳурии Тоҷикистон ва дар ҳамкорӣ бо Созмони Милали Муттаҳид /СММ/ дар сатҳи Маҷмаи умумии СММ дар Рўзи ҷаҳонии об 22 марти соли 2013 дар Ню-Йорк муколлама доир мешавад, моҳи сентябри соли 2013 дар Стоголм чорабинии махусус дар робита ба Ҳафтаи ҷаҳонии об баргузор менамоянд. Эълон намудани соли 2013 Соли байналмилалии ҳамкорӣ дар соҳаи об пешниҳоди Президенти Ҷумҳурии Тоҷикистон Эмомалӣ Раҳмон буда, моҳи декабри соли 2010 Маҷмаи умумии СММ бо дастгирии якдилонаи кишварҳои аъзо ҷиҳати татбиқи амалии ин иқдоми наҷиби Сарвари давлати Тоҷикистон қатъномаи махсус қабул намуд.
Имрӯз дар Тоҷикистон ҳаво то 40 дараҷа гарм мешавад
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
