Изҳороти Шариф Саид

Душанбе, 15 феврал. (АМИТ «Ховар», Фарзона Достонзода ). – Раиси Палатаи савдо ва саноати ҶТ Шариф Саид дар маросими муаррифии ширкатҳои тиҷоратӣ зикр намуд, ки «ворид шудани Тоҷикистон ба Созмони умумиҷаҳонии савдо истеҳсолкунандаи миллиро дучори вазъияти мураккаб месозад».Ба фикри раиси палатаи савдо, барои мутобиқати маҳсулоти ватанӣ ба меъёрҳои байналмилалии сифат ва ба манзури дастгирии бозори амволи кишвар ва рушди низоми тиҷорат бояд меъёру дастурҳои низоми аврупоӣ омӯхта ва дар амал татбиқ карда шаванд. Шариф Саид ҳамчунин зикр намуд, ки барои расидан ба ин мақсад бояд дар назди палата Маркази сифат таъсис дода шавад, ки вазифаи асосии он иборат аз баланд бардоштани сифати маҳсулоти истеҳсолкунандагони амвол, роҳандозии сиёсати ягонаи иттилоотӣ аз рӯи натоиҷи татбиқи низоми сифати маҳсулот мебошад.