Таъкиди Хадамоти муҳоҷират ба муҳоҷирони тоҷик

Душанбе, 21 феврал. (АМИТ «Ховар», Музаффар Рустамов).- Хадамоти муҳоҷирати назди Ҳукумати Ҷумҳурии Тоҷикистон бо мақсади ба таври қонунӣ роҳандозӣ намудани фаъолияти меҳнатии шаҳрвандони Ҷумҳурии Тоҷикистон таъкид менамояд, ки пеш аз сафар ба хориҷа, аз ҷумла баФедератсияи Русия ҳатман доир ба қоидаҳои нави будубош дар ФР, соҳибкасб будан, донистани забони русӣ, доштани шартномаи меҳнатӣ бо корфармо ё бо патент фаъолияти расмии худро амалӣ намоянд. Ба иттилои сардори шуъбаи робита бо ҷомеаи Хадамоти муҳоҷирати назди Ҳукумати ҶТ Абдуллои Қодирӣ дар ҳолати иҷро накарадани ин талабот муҳоҷирон аз тарафи мақомоти дахлдори Федератсияи Русия аз қаламрави ин кишвар берун карда мешаванд.Шумо метавонед барои гирифтани маълумоти бештар ба суроғаи ш. Душанбе, кӯчаи С. Айнӣ, 121 муроҷиат намоед.