Дарёфти зиёда аз 18 кило ҳашиш дар Конибодом

Душанбе, 30 март. (АМИТ «Ховар» ).- Зиёда аз 18 кг ҳашиш зимни гузаронидани чорабиниҳои фаврӣ-ҷустуҷӯӣ аз ҷониби кормандони ШВКД дар ноҳияи Конибодом дарёфт шуд.Тавре ки сомонаи расмии ВКД хабар медиҳад, дар ғайриқонунӣ нигоҳ доштани маводи нашъадор шаҳрванд Шарифҷон Турсунов, соли таваллудаш 1966, пеш бо моддаи 200, қисми 3 КҶ ҶТ суд шудааст, ҳамчун гумонбар боздошт гардид. Ҳангоми кофтукови шахсӣ аз дохили сумкаи варзишии номбурда маводи нашъаовари «ҳашиш», вазнаш 18 килою 325 грамм дарёфт ва мусодира карда шудааст.Ба иттилои манбаъ, ҳамчунин дирӯз аз ҷониби кормандони милитсия дар вилояти Хатлон бо 1 кг героин Ахмадҷон Ҳакимбекови 29 сола боздтошт гардид. Аз рӯи ин ҳодисаҳо парвандаи ҷиноӣ оғоз гардида, тафтиш идома дорад.