Баррасии вазъи минтақаҳои озод

Душанбе, 15 апрел. (АМИТ «Ховар», Покиза Маҳмадбекова). — Ҷаласаи нахустини Шӯрои нозирон оид ба масъалаҳои минтақаҳои озоди иқтисодӣ дар Ҷумҳурии Тоҷикистон 13 апрел дар Вазорати рушди иктисод ва савдо бо иштироки намояндагони вазорату идораҳои марбутаи кишвар таҳти раёсати муовини якуми Сарвазири Ҷумҳурии Тоҷикистон, раиси Шӯрои нозирон оид ба масъалаҳои минтақаҳои озоди иқтисодӣ Матлубхон Давлатов баргузор гардид. Аз рӯи иттилои хадамоти матбуотии вазорати мазкур, М Давлатов дар ҷаласа оид ба масъалаҳои минтақаҳои озоди иқтисодӣ дар Ҷумҳурии Тоҷикистон маълумот дод. Сипас, иштирокчиёни Шӯрои нозирон оид ба масъалаҳои минтақаҳои озоди иқтисодӣ дар мавзуъҳои «Консепсияи рушди минтақаҳои озоди иқтисодии Ҷумҳурии Тоҷикистон», «Низомномаи минтақаҳои озоди иқтисодии Ҷумҳурии Тоҷикистон дар таҳрири нав» маърӯзаҳо намуданд. Дар интиҳои ҷаласа аъзои Шӯрои нозирон ҷиҳати дар сатҳи баланди ташкилӣ баргузор намудани нахустин Анҷумани байналмилалии иқтисодию сармоягузории вилояти Мухтори Куҳистони Бадахшон таклифу пешниҳодоти муфид изҳор доштанд.