Бригадири «Зафар»-ро ба қатл расониданд

Душанбе, 4 апрел. (АМИТ «Ховар», Баҳманёр Муродов).- Раҳмоналӣ Парманов ҳангоми гузаронидани чораҳои фаврию ҷустуҷӯӣ ҳамчун гумонбар дар қатли шаҳрванд Абдуназар Эрманов боздошт шудааст. Бино ба иттилои сомонаи расмии Вазорати корҳои дохилӣ рӯзи 2-юми апрели соли ҷорӣ тахминан соати 04:00 дақиқа дар ҳавлии истиқоматиаш ҷасади шаҳрванд Абдуназар Эрманов, соли таваллудаш 1958, сокини деҳаи Дмитрови ноҳияи Қубодиён, бригадири хоҷагии деҳқонии «Зафар», бо аломатҳои марги маҷбурӣ, ҷароҳат дар қисми паси сар дарёфт шудааст ва дар ин амал Парманов Раҳмоналии 62-сола гумонбар дониста шудааст. Ҳамчунин гуфта мешавад, ки аз рӯи ин ҳодиса парвандаи ҷиноӣ оғоз гардида, тафтиш идома дорад.