Натиҷаи дастовардҳои Тоҷикистон тавассути ЦАРЭС

Душанбе, 19 апрел. (АМИТ «Ховар», Покиза Маҳмадбекова). — Имрӯз дар Вазорати рушди иқтисод ва савдои ҷумҳурӣ семинари миллӣ бо дастгирии Бонки Осиёии Рушд дар доираи Барномаи ҳамкориҳои иқтисодии минтақавии Осиёи Марказӣ таҳти унвони «Натиҷаи дастовардҳои Тоҷикистон тавассути ЦАРЭС: дастовардҳо ва мушкилот» баргузор гардид. Дар он намояндагони вазорату идораҳои дахлдори ҷумҳурӣ ва ташкилоту созмонҳои байналмилалии муқими Тоҷикистон иштирок намуданд. Намояндагони вазорату идораҳои марбута ва ташкилоту созмонҳои байналмилалии муқими Тоҷикистон дар мавзуъҳои «Ҷараёни татбиқ, дурнамои нақшавӣ ва афзалиятҳо», «Оид ба мавқеъ ва афзалиятҳои бахши нақлиёт», «Дар бораи Созишнома оид ба ҳамлу нақли байнисарҳадӣ» маърӯза намуданд. Дар ҷараёни чорабинӣ байни иштирокчиёни семинар оид ба мавзуъҳои матраҳгардида муҳокимаю мубодилаи афкори судманд сурат гирифт.