Оқил Оқилов бо Ҷонатан Дан дурнамои ҳамгироиҳоро баррасӣ карданд

Душанбе, 8 апрел. (АМИТ «Ховар», Дилшодаи Хайруллоҳ).- Имрӯз Сарвазири Ҷумҳурии Тоҷикистон Оқил Оқилов бо роҳбари гуруҳи намояндагони Хазинаи байналхалқии асъор Ҷонатан Дан мулоқот кард. Дар мулоқот масоили марбут ба вазъи ҳамкориҳои имрӯзаи Ҷумҳурии Тоҷикистон ва Хазинаи байналалхалқии асъор ва дурнамои ин ҳамгироиҳо мавриди муҳокима қарор дода шуд.Тавре ки таъкид шуд, Ҷумҳурии Тоҷикистон имконият дорад дар оянда таввасути кам кардани ҳаҷми воридот, афзун намудани иқтидори содиротӣ ва истеҳсоли маҳсулоти рақобатпазир, инчунин фароҳам овардани ҷойҳои нави корӣ ба пешрафти иқтисодию иҷтимоии боз ҳам бештару назаррас ноил гардад. Ҷонибҳо ба баррасии ҷараёни рушди иқтисодиёти Тоҷикистон ва сиёсати молиявию бонкӣ мароқи калон зоҳир карда, барои таъмини рушди бештару хубтари иқтисодиёти мамлакат таклифу пешниҳодоти судманд баён доштанд.