Шумораи нафақахӯрони Тоҷикистон ба беш аз 599 ҳазор расидааст

Душанбе, 22 апрел. (АМИТ «Ховар», Покиза Маҳмадбекова). – Маблағи пардохти нафақа ва ёрдампулӣ аз рӯи натиҷаи семоҳаи аввали соли ҷорӣ дар Тоҷикистон бо назардошти бақия то оғози сол беш аз 314 миллиону 100 ҳазор сомониро ташкил дод.Мувофиқи маълумоти Агентии омори назди Президенти ҶТ, тайи давраи гузашта маблағҳои ба қайд гирифташудаи Агентии давлатии суғуртаи иҷтимоӣ ва нафақаҳои Вазорати меҳнат ва ҳифзи иҷтимоии аҳолӣ баробари беш аз 297 миллиону 800 ҳазор сомонӣ буд. Қобили зикр аст, ки теъдоди нафақахӯрон то якуми апрели соли 2013 – ум 599 ҳазору 273 нафарро ташкил дод. Дар Тоҷикистон ҳаҷми миёнаи нафақа 180 сомониро ташкил медиҳад.