Баррасии масоили гендерӣ дар Хуҷанд
Душанбе, 15 май. (АМИТ «Ховар», Фарзона Достонзода). — Дирӯз, 14 май дар шаҳри Хуҷанд бо ташаббуси Кумитаи кор бо занон ва оила ва шуъбаи корҳои дини ҳукумати вилояти Суғд бо иштироки фаъолзанон ва имомхатибони шаҳру навоҳӣ мизи мудаввар оид ба масоили гендерӣ баргузор гардид.Тавре ки аз хадамоти матбуоти раиси вилояти Суғд ба АМИТ «Ховар» иттилоъ доданд, Раъно Бобоҷонова — раиси Кумитаи кор бо занон ва оилаи назди ҳукумати вилоят ва ҳамзамон гардонандаи суҳбат гуфт, ки ҳадаф аз баргузории чунин мулоқотҳо ҳамкории судманди қишрҳои таъсиррасони ҷомеа барои ҳалли масоили доғи рӯз аст. Ӯ ҳамчунин изҳор дошт, ки соли 2012 дар қаламрави вилоят 2415 ҳолати ҷудошавии оилаҳо, 260 ҳолати паст кардани синни никоҳӣ, 23 модари ноболиғ ва 1043 модари танҳо ба қайд гирифта шуд, ки ин боиси нигаронист.Ҳамзамон шахсиятҳои маъруфи ҷамъиятиву мазҳабӣ Биҳоҷал Раҳимова, Ҳоҷӣ Ҳусейн Мӯсозода, Ибодулло Калонзода, Нодир Одилов, Шуҷоат Ҳасанова, Маърифат Шокирова, Марям Давлатова ва дигарон перомуни мушкилоти имрӯзаи занон, никоҳи бармаҳал ва оқибатҳои иҷтимоии он, барҳамхӯрии оилаҳо, ахлоқи ҷавонон, худкушӣ ва дигар ҷиноятҳо фикру мулоҳизаҳои худро иброз намуда, барои пешгирии чунин зуҳурот пешниҳоду тавсияҳои гуногунро ба миён гузоштанд.
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
Дар деҳаи Фатмеви ноҳияи Айнӣ муассисаи таълимӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
«Истиқлоли Тоҷикистон ва эҳёи пайвандҳои таърихию фарҳангии мардумони ориёитабор». Дар ин мавзуъ ҳамоиши илмӣ баргузор мешавад
35-СОЛАГИИ ИСТИҚЛОЛИ ДАВЛАТӢ. Бо иштироки кормандони вазорату идораҳо дар Душанбе ҳашари ободонӣ ва тозакорӣ баргузор шуд
Судяҳои Тоҷикистон дар Остона дар конфронси байналмилалӣ иштирок намуданд
ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
Имкониятҳои сайёҳии Тоҷикистон дар 14-умин Намоишгоҳи байналмилалии сайёҳии Макао муаррифӣ мегарданд
Нақшаи даъвати баҳории шаҳрвандони Тоҷикистон ба сафи Қувваҳои Мусаллаҳ беш аз 80 фоиз иҷро гардид
Ҳайати Тоҷикистон дар ҷаласаи Гурӯҳи кории минтақавӣ оид ба моликияти зеҳнӣ иштирок намуд
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Дар Хуҷанд сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Ҷумҳурии Тоҷикистон – 2026 баргузор гардид
