Ярмаркаи ҷойҳои корӣ дар Шӯрообод

Шӯрообод, 8 май. (АМИТ «Ховар», С. Холов).- Шуъбаи Агентии давлатии ҳифзи иҷтимоӣ, шуғли аҳолӣ ва муҳоҷирати ноҳияи Шӯрообод ярмаркаи ҷойҳои кории холӣ ва вазифаҳои озод доир намуд, ки дар он 16 ташкилоту муассиса ширкат варзида, ба корҷӯён 275 ҷои кор ва вазифаи озодро пешниҳод намуданд. Ба гуфти сардори шуъба Умар Ризоев, ҷойҳои холӣ бештар ба сохтмони шоҳроҳи Кӯлоб- Қалъаихум дар минтақаҳои Шӯрообод-Шоҳон, соҳаи тандурустӣ ва маориф мансуб буда, дар натиҷа 17 нафар барои ҷои кор роҳхат гирифта, 13 нафар бо кори доимӣ таъмин гардиданд. Ба гуфтаи манбаъ дар се моҳи соли ҷорӣ аз тарафи шуъбаи мазкур 2 маротиба ярмаркаи ҷойҳои кории холӣ ва вазифаҳои озод гузаронида шуд, ки 54 нафар корҷӯй бо кори доимӣ таъмин гардиданд.