Энергияи атомӣ дар асри 21

Душанбе, 28 июн. (АМИТ «Ховар», Дилшодаи Хайруллоҳ) .- 27 июни соли 2013 Вазири энергетика ва саноати Ҷумҳурии Тоҷикистон Гул Шералӣ дар шаҳри Санкт-Петербург дар конфронси байналмилалии «Энергияи атомӣ дар асри 21» баромад намуд.Мавсуф дар баромади худ қайд намуд, ки яке аз мавзуъҳои конфронс истифодаи самаранок ва осоиштаи энергияи атомӣ дар ҷаҳон хеле муҳим арзёбӣ мегардад. Ҳамчунин дар баромад таваҷҷуҳ намудани кишварҳо ба масъалаи амнияти экологии ҷаҳони муосир, аз ҷумла минтақа ва дар ин робита зарур будани андешидани тадбирҳо, аз қабили таҳияи барномаҳои оптималии мониторинг, назорати доимии муҳити зист, фазо, обҳои рӯизаминӣ, зеризаминӣ, экосистемаҳо ва ғайра қайд карда шуд.Тибқи иттилои шуъбаи котиботи Вазорати энергетика ва саноати Ҷумҳурии Тоҷикистон Вазири энергетика ва саноати Ҷумҳурии Тоҷикистон изҳори итминон намуд, ки дар ҳамоҳангӣ амалӣ гардидани ҳамкориҳои кишварҳои иштирокчиёни конфронс барои ҷалби таваҷҷуҳи ҷомеаи байналмилалӣ ба масъалаҳои энергияи атомӣ ва қарорҳои қабулшавандаи ин чорабинӣ баҳри истифодаи осоиштаи энергияи атомӣ дар ҷаҳони имрӯз мусоидат хоҳад кард.