Ҷарима барои риоя накардани қоидаҳои беҳдоштӣ

Темурмалик, 24 июл. (АМИТ «Ховар», Фарҳод Мадаминов).-Кормандони соҳаи тандурустии ноҳияи Темурмалик дар давоми шаш моҳи соли ҷорӣ ба мардум кӯмаки тиббӣ расониданд. Дар соҳаи тиби ноҳия ҳоло ҳам камбудиҳо ҷой доранд. Аз ҷумла, нарасидани мутахассисони бемориҳои кӯдакона, чашм, амрози дарунӣ, таҳлилгар, духтури занона ва бемориҳои руҳӣ. Дар бунгоҳҳои тиббии деҳахои Талимазор, Гурулдӣ, Туябуюн ва Яккасада аз нарасидани мутахассисони асосӣ сатҳи хизматрасонии тиббӣ дар зинаи паст қарор дорад. Дар ин давра барои таъмини амнияти санитарию эпидемологии аҳолӣ мутахассисони соҳа корҳои муайянеро ба анҷом расониданд. Аз ҷумла, марказ дар ҳамкорӣ бо ташкилотҳои дахлдор ва кормандони ҳифзи ҳуқуқ нуқтаҳои хизматрасониро санҷида, ба 41 ташкилоту муассиса хулосаи санитарӣ дод. Ҳангоми санҷиши муштарак 27 нафар соҳибкор, ки қоидаҳои санитарию гигиениро вайрон кардаанд, ба маблағи 1280 сомонӣ ҷарима шуданд.