«Истаравшан» тими «АV Football Academy»-и Нигерияро шикаст дод

Душанбе, 8 июл. (АМИТ «Ховар»).- Дастаи «Истаравшан»-и шаҳри Истаравшан дар бозии дӯстона тими «АV Football Academy»-и Нигерияро, ки дар доираи сафарҳои ҷаҳонии худ ба Тоҷикистон омада буд, шикаст дод. Дар ин бора ба АМИТ «Ховар» аз ФФТ иттилоъ дода гуфтанд, ки ин бозӣ рӯзи шанбе, 6-уми июл дар Варзишгоҳи марказии шаҳри Истаравшан баргузор гардида, бо ҳисоби 3:2 ба нафъи соҳибони майдон анҷом ёфтааст.Гуфта мешавад, дастаи «AV Football Academy»-и Нигерия рӯзи 29-уми июн дар нахустин бозии дӯстонаи худ аз тими «Энергетик»-и Душанбе низ шикаст хӯрда буд.