Истироҳати хотирмон

Турсунзода. 5 июл (АМИТ «Ховар» Ҳотам Рабиев). Даври дуюми истироҳати беш аз 400 нафар фарзандони коргарони Корхонаи воҳиди давлатии «Ширкати алюминийи тоҷик» ва наврасон аз хонаи кӯдакони шаҳр дар осоишгоҳи Ширкент оғоз ёфт. Дар ин ҷо барои кӯдакон тамоми шароитҳо муҳайё буда, онҳо бо чор вақт хӯроки гарм, киною консерт, бозиҳои шавқовар таъминанд. Мураббиён аз ҳисоби омӯзгорони варзидаи шӯъбаи маориф ба онҳо сарварӣ менамоянд. Тибқи нақша имсол дар ин мавзеи хушбодуҳаво беш аз 1600 нафар кӯдакону наврасон истироҳат хоҳанд кард.