Ошкор намудани изофанависӣ дар корҳои сохтмонӣ

Душанбе, 18 июл.(АМИТ «Ховар», Марзия Саидова).- Дар фаъолияти ташкилотҳои сохтмонии кишвар изофанависӣ вуҷуд дорад, мегӯяд раиси Агентии сохтмон ва меъмории назди Ҳукумати ҷумҳурӣ Абдувалӣ Комилов. Танҳо дар зарфи 6 моҳи соли равон дар ҳамкорӣ бо ниҳодҳои марбутаи ҷумҳурӣ, аз ҷумла Агентии назорати давлатии молиявӣ ва мубориза бо коррупсияи ҷумҳурӣ ва Хадамоти давлатии назорати сохтмон ва меъморӣ 2 миллион сомонӣ маблағҳои изофанависӣ муайян гардида, ба буҷаи кишвар ворид карда шудааст. Дар мавриди сифати корҳои сохтмонӣ, ки аз ҷониби ташкилотҳои сохтмонии маҳаллӣ ва хориҷӣ амалӣ карда мешавад, масъули Агентии сохтмон ва меъморӣ зикр кард, ки дар ҳайати Агентӣ Хадамоти давлатии назорати сохтмон ва меъморӣ фаъолият мекунад, ки рисолати асосии он аз назорати иҷрои корҳои сохтмонӣ, мутобиқ ба меъёрҳо будани корҳои иҷрошаванда ва истифодаи масолеҳи баландсифати сохтмонӣ аст. Хадамот талаботро ба сифтаи корҳо дар соли равон пурзӯр намудаааст.