Ташхиси 251 адабиёти динӣ

Душанбе, 10 июл. (АМИТ “Ховар”,Афшини Муқим).-Кумитаи оид ба корҳои дини назди Ҳукумати Ҷумҳурии Тоҷикистон давоми шаш моҳси соли ҷорӣ дар асоси 48 дархост 251 адабиёт ва варақаҳои диниро дар ҳаҷми 55181 саҳифа, баробар ба 3448, 8125 ҷузъи чопӣ мавриди таҳлил ва ташхис қарор додааст.  Ба гуфтаи Мавлон Мухторов, муовини Раиси кумита аз ин миён ба 204 адабиёти дорои мазмуни динидошта хулосаи мусбат ва ба 47 адабиёт ва варақаҳои динӣ, ки мазмуну муҳтавои онҳо мухолифи қонунгузории Тоҷикистон буд, хулосаи манфӣ дода шудааст.Ба иловаи Мухторов дар ин давра аз ташкилотҳои ғайридавлатӣ ва шахсони алоҳида ба Раёсат дархост барои аз ташхиси диншиносӣ гузаронидани 44 адад адабиёти динӣ дар ҳаҷми 5717 саҳифа, баробар ба 357, 3125 ҷузъи чопӣ ворид гардида, аз онҳо ба 43 адабиёти динӣ хулосаи мусбат ва ба 1 адади он хулосаи манфӣ пешниҳод карда шудааст. Муовини Раиси Кумитаи оид ба корҳои дини назди Ҳукумати Ҷумҳурии Тоҷикистон ҳамчунин таъкид кард, ки асосан адабиёт, варақаҳо ва дигар маводи таъиноти диние хулосаи манфӣ мегиранд, ки ба гуруҳҳо ва ашхоси тундрав ё пайравони ҷараёнҳои номатлуб мансуб буда, аз ҷониби ниҳодҳои қудратии кишвар ба Кумита пешниҳод карда мешаванд.