Ғолибони мусобиқаи волейбол муайян шуданд
Душанбе, 15 август. (АМИТ «Ховар», Лайло Қосимова). -Дар майдони варзишии Коллеҷи тиббии ҷумҳуриявӣ бозиҳои нимниҳоию ниҳоӣ ва ҷамъбасти натиҷаҳои бозии волейбол байни дастаҳои занон ва мардони муассисаҳои соҳаи тандурустӣ баргузор гардид. Дар оғоз дастаҳои кормандони тандурустии шаҳри Ваҳдат ва Маркази ҷумҳуриявии илмии ҷарроҳии дилу рагҳо барои ҷои сеюм ва дастаи Беморхонаи шаҳрии «Ёрии таъҷилӣ» бо дастаи Маркази миллии тиббӣ барои ҷойҳои 1 ва 2 қувваозмоӣ намуданд.Сипас ғолибони мусобиқа эълон гардиданд. Дар байни дастаҳои занона ҷои аввал насиби дастаи таваллудхонаи шаҳрии рақами 2, ҷои дуюм насиби дастаи Коллеҷи ҷумҳуриявии тиббӣ ва ҷои сеюм насиби дастаи таваллудхонаи шаҳрии рақами 3 гардид. Дар байни дастаҳои мардона ҷои аввалро дастаи Беморхонаи шаҳрии «Ёрии таъҷилӣ» соҳиб гардида, ҷои дуюму сеюмро дастаҳои Маркази миллии тиббӣ ва Маркази ҷумҳуриявии илмии ҷарроҳии дилу рагҳо сазовор шуданд.Ҳамаи дастаҳои ғолиб бо медалҳо ва туҳфаҳои молӣ қадрдонӣ гардиданд. Аз ҷониби масъулони мусобиқот зикр гардид, ки соли оянда мусобиқаҳо дар намудҳои дигари варзиш низ роҳандозӣ хоҳанд шуд.Хотиррасон мекунем, ки мусобиқоти волейболбозон бахшида ба ҷашни зодрӯзи алломаи тоҷик Абӯалӣ ибни Сино, Рўзи кормандони тибби Ҷумҳурии Тоҷикистон ва 22-солагии Истиқлолияти давлатии Ҷумҳурии Тоҷикистон дар шаҳри Душанбе баргузор гардид.








Дар Тоҷикистон Форуми амниятии Осиёи Марказӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
ТАҚВИМИ АМИТ «ХОВАР»: имрӯз 9 апрел, панҷшанбе, 99-умин рӯзи соли 2026 аст
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад






