Чаро ширкати туркӣ ба аҳдаш вафо накард?

Душанбе, 23 август.(АМИТ “Ховар”, Марзия Саидова).-Шаҳрдории Душанбе ҷиҳати дарёфти беҳтарин лоиҳа ва интихоби пудратчии асосии иншооти сохтмонаш нотамоми «Аквапарки Душанбе» озмуни такрорӣ эълон менамояд. Озмун то 21 сентябри соли равон идома ёфта, дар он лоиҳакашон- шахсони воқеию ҳуқуқии ватанию хориҷии салоҳиятнок ҳуқуқи иштирок карданро доранд. Озмун 25 сентябр ҷамъбаст мегардад. Бояд тазаккур дод, ки иншооти Аквапарки нотамом дар хамгашти хиёбони Исмоили Душанбе /собиқ Путовский/ бунёд мешавад. Ҳанӯз соли 2004 ширкати туркии «Эмек прожект Лимитед ширкати» дар озмун ғолиб баромада, мебоист ин иншоотро ба истифода медод. Аммо ин ширкати туркӣ ба аҳди худ вафо накард ва аз уҳдаи кор набаромад. Инчунин беш аз 2 миллион долларро, ки ҳукумати пойтахт барои сохтмони Аквапарк ба ин ширкати туркӣ дода буд, барнагардонд ва сохтмони ин иншот то ҳанӯз нотамом боқӣ мондааст.11.25.