“Мероси Роҳи Абрешим”

Душанбе, 15 август.(АМИТ “Ховар”, Марзия Саидова).-“Мероси Роҳи Абрешим”- чунин ном гирифтааст Фестивали фарҳангиву сайёҳӣ, ки 31 август дар Боғи Ғалабаи Душанбе баргузор мегардад. Дар ин хусус раиси шаҳри Душанбе Маҳмадсаид Убайдуллоев қарори марбута ба тасвиб расонид. Дар асоси қарори мазкур ниҳодҳои масъули шаҳри Душанбе муваззаф гардидаанд, ки ҷиҳати дар сатҳи баланди ташкилӣ гузаронидани ин чорабинӣ дар ҳамкорӣ бо ташкилоти ҷамъиятии «Хадамоти волонтёрӣ дар хориҷа (VSO)» тадбирҳои мушаххас андешанд.  Мавриди зикр аст, ки шаҳрдории Душанбе Фестивали фарҳангиву сайёҳии “Мероси Роҳи Абрешим”-ро бо назардошти муроҷиати ташкилоти ҷамъиятии «Хадамоти волонтёрӣ дар хориҷа (VSO)» аз соати 10:00 то 18:00-и 31 август дар Боғи Ғалабаи Душанбе баргузор менамояд.