Мусобиқаҳои варзишӣ бахшида ба Истиқлолияти кишвар

Душанбе, 23 август. (АМИТ «Ховар», Фарзона Ашӯрмадова).-Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва сохторҳои маҳаллии он бо мақсади ташаккули маърифати ҳуқуқӣ ва фарҳангию сиёсии насли ҷавон ва тарбияи онҳо дар руҳияи меҳанпарастиву эҳтиром ба арзишҳои миллии кишвар дар давоми моҳҳои август ва сентябри соли ҷорӣ мусобиқа миёни варзишгарон аз намудҳои чавгонбозӣ, гӯштини юнонию румӣ, қайикронӣ, футбол, камонварӣ, мусобиқаи анъанавии байналмилалӣ оид ба бокс ба хотираи қаҳрамони Иттифоқи Шуравӣ Исмоил Ҳамзаалиев, варзиши сабукро дар марказ ва маҳалҳо доир менамояд.Тавре ки аз кумитаи мазкур хабар доданд, кумита ҳамчунин силсилаи чорабиниҳо, аз қабили чорабиниҳои фарҳангиву сиёсӣ ва машваратҳо дар мавзўи «Истиқлолият ва нақши он дар ҳаёти ҷавонон», озмуни телевизионии «Таронаи истиқлол», барномаи фарҳангӣ-фароғатии «Навои ватан»-ро баргузор хоҳад кард.