Мусобиқоти ҷумҳуриявӣ аз рӯи мубоҳисаи парлумонӣ

Душанбе, 29 август. (АМИТ «Ховар», Кристина Эрлих). – 28 август дар шаҳри Душанбе мусобиқоти ҷумҳуриявӣ аз рӯи мубоҳисаи парлумонӣ таҳти унвони «Ҷоми 20 – солагии ҳамкории Бонки умумиҷаҳонӣ ва Ҷумҳурии Тоҷикистон» оғоз ёфт. Дар ин мусобиқот дастаҳои ҳамаи марказҳои вилоятӣ ва деҳоти ҷумҳурӣ иштирок доранд.Мусобиқот бо ибтикори Бунёди АвруОсиё ва бо мадади намояндагии Бонки умумиҷаҳонӣ дар Ҷумҳурии Тоҷикистон роҳандозӣ шудааст.Мақсади асосии мусобиқот иборат аз муайян намудани ғояю мафкураи ҷавонон аз рӯи масоили рушди минбаъдаи иҷтимоию иқтисодии Тоҷикистон ва инъикоси ин ғояҳо дар барномаю лоиҳаҳои минбаъда мебошад. Мусобиқот дар ҳошияи лоиҳаи «Суруши ҷавонон» роҳандозӣ шуда ва он бояд фикру тасаввуроти ҷавонони кишварро дар бораи ояндаи ҷумҳурӣ инъикос намояд. Қабл аз рӯи кор овардани ин чорабинӣ дар шаҳрҳои Ғарм, Исфара, Кӯлоб, Хоруғ ва Хуҷанд низ мусобиқоти минтақавӣ доир шуда буд.