Таҷовузи падар ба номуси духтар

Душанбе, 22 август. (АМИТ «Ховар», Л. Қосимова). -Кормандони Вазорати корҳои дохилӣ дар ноҳияи Рӯдакӣ ҳодисаи таҷовуси падар ба номуси духтари худро ошкор намуданд. Шаҳрванд Маҳмадуллоев Муқим, соли таваллудаш 1972, сокини деҳаи Конститутсияи ноҳияи Рӯдакӣ, аз моҳи октябри соли 2012, бо роҳи зӯроварӣ ба номуси духтараш Таҳминаи Муқим, соли таваллудаш 1994 таҷовуз намудааст. Ӯ ин амали ношоистаи худро то моҳи июни соли равон идома дода, ӯро таҳдид мекардааст, ки агар ба ягон кас муроҷиат кунад, ӯро кушта, дар ҳавлиашон зери хок мекунад. Маҳмадуллоев Муқим духтараш Таҳминаи Муқимро дар хона маҳкам карда, ӯро иҷозати берун баромадан намедодааст. Таҳминаи Муқим шабона аз хона гурехта, ба кормандони милитсия оид ба ин ҳодиса хабар додааст.Дар айни ҳол, Маҳмадуллоев Муқим Ҳигматович дар ҳабси пешакӣ қарор дошта, тафтиши ин ҳодиса идома дорад.19 — уми августи соли равон аз ҷониби кормандони ШВКД дар ноҳияи Қумсангир боз як ҷинояти падар нисбат ба духтари худ ошкор гардид. Шаҳрванд Азизов Авазҷон, соли таваллудаш 1964, сокини деҳаи Кавраки ноҳияи мазкур моҳи сентябри соли 2011 дар хонаи истиқоматиаш бо тариқи зӯроварӣ ба номуси духтари худ Азизова Насиба, соли таваллудаш 1991 таҷовуз намудааст. Ин амал то моҳи августи соли равон идома ёфтааст.Аз рӯи ин ҳодиса мутобиқи моддаи 138 қисми 3, банди «а» парвандаи ҷиноӣ оғоз гардида, тафтиш идома дорад. Акнун ба Азизов А. барои содир намудани ин ҷиноят аз рўи қонун ҷазо дода мешавад. Дар ин бора ба АМИТ «Ховар» аз дафтари матбуоти ВКД ҶТ хабар доданд.