Таъмири ҷорӣ дар роҳҳои Фархор

Фархор, 13 август. (АМИТ «Ховар»,С. Холов).- Дар ноҳияи Фархор таъмиру нигаҳдории роҳҳои ноҳия ба уҳдаи Муассисаи давлатии нигаҳдории роҳҳои мошингарди ноҳия вогузор буда, дар мувозинаи муассиса 95,4 км роҳҳои дорои аҳамияти ҷумҳуриявӣ ва 314,4 км дорои аҳамияти маҳаллӣ мавҷуд мебошанд,- гуфт раиси ноҳия Қурбонбой Каримов. Муассиса дар шаш моҳи соли ҷорӣ ба ҷои 246 ҳазору 689 сомонӣ ба маблағи 261 ҳазору 255 сомонӣ таъмири ҷориро дар роҳи мошингарди Гулистон- Фархор-Панҷ-Дӯстӣ ва дигар роҳҳои маҳаллӣ иҷро намудааст, ки 105,9 % -и нақшаро дар бар гирифта, нисбат ба ҳамин давраи соли гузашта 42 ҳазору 029 сомонӣ зиёд мебошад. Дар ин давра аз тарафи муассиса ба маблағи 21 ҳазору 800 сомонӣ корҳои зимистонгузаронӣ ва ба маблағи 4ҳазору 416 сомонӣ корҳои кабудизоркунӣ ба итмом расидаанд.