Ғалабаи навбатии «Вахш»

Душанбе, 18 сентябр. (АМИТ «Ховар»). – Дастаи футболи «Вахш» — и шаҳри Қӯрғонтеппа дар вохӯрии чорякниҳоӣ барои дарёфти Ҷоми Тоҷикистон дастаи «Эсхата» — и шаҳри Хуҷандро бо ҳисоби се бар сифр мағлуб сохт.Назар ба хабари Федератсияи футболи Тоҷикистон, ҳамаи се тӯбро ниммуҳофизатгари дастаи «Вахш» Умедҷон Шарифов ба дарвозаи ҳариф ворид намуд. Хотирнишон месозем, ки дастаи «Вахш» дар бозии нимниҳоӣ барои дарёфти Ҷоми Тоҷикистон бо ғолиби вохӯрии дастаҳои «Энергетик» ва «Регар ТадАз» қувваозмоӣ менамояд.