Ҷаласаи кумитаҳои варзишии ИДМ

Душанбе,  3  сентябр. (АМИТ «Ховар», Анна  Мощенко). – 2  сентябр дар  шаҳри  Душанбе  ҷаласаи  роҳбарони  кумитаҳои  варзишии қувваҳои  мусаллаҳи  давлатҳои  аъзои  Иттиҳоди  Давлатҳои  Мустақил баргузор  гардид.
 
Иштирокдорони  ҷаласа  масоили  марбут ба   ташкили  спартакиадаи   варзишгарони  артишҳои  ИДМ – ро, ки   дар  ин  рӯзҳо  бо  ибтикори Клуби  марказии  варзишии  артиши  Вазорати  мудофиаи   ҶТ  идома дорад,  баррасӣ  намуданд. Дар  ҳошияи  спартакиадаи  варзишгарони  артиши  ИДМ  бори нахуст  дар  ҷумҳурӣ аз  3  сентябр  мусобиқот  аз  рӯи  гӯштини  дзюдо  баргузор  мегардад, ки дар  он  дастаҳои  варзишии  қувваҳои  мусаллаҳи  Тоҷикистон,  Қазоқистон,  Қирғизистон, Арманистон,  Беларус  ва  Русия  иштирок  менамоянд.