Ҷаласаи Ситоди ҷумҳуриявии «Кӯкнор – 2013»

Душанбе, 11 сентябр. (АМИТ «Ховар», Анна Мощенко). – Чанде пеш таҳти раёсати муовини аввали директори Агентии назорати маводи нашъаовари назди Президенти ҶТ В.Азаматов ҷаласаи навбатии Ситоди ҷумҳуриявии амалиёти фаврии «Кӯкнор – 2013» баргузор гардид.Мақсади асосии амалиёт иборат аз ошкор ва фош намудани ҷинояткориҳо ва қонуншиканӣ дар бахши гардиши ғайриқонунии маводи нашъаовар ва аз байн бурдани заминаи ашёи хоми он буд. Дар кори ҷаласа аъзои Ситоди ҷумҳуриявии «Кӯкнор – 2013», ҳамчунин роҳбарони раёсату шӯъбаҳои асосии Агентии назорати маводи нашъаовар ширкат доштанд. Назар ба хабари Агентии назорати маводи нашъаовар, дар ҷаласа натиҷаи татбиқи нақшаи муштарак аз рӯи масоили пурзӯр намудани назорати ҳаракати қатораҳое, ки аз Тоҷикистон ба сӯи кишварҳои дигар ҳаракат мекунанд, мавриди баррасӣ қарор гирифтанд.